- ឃាតកម្មសាហាវឃោរឃៅ៖ ប្រទះឃើញសាកសពបុរស ២នាក់ ត្រូវឃាតកកាត់ជាកង់ៗច្រកស្បោងខ្មៅបោះចោលក្នុងព្រៃ នៅក្រុងប៉ោយប៉ែត
ក្រុងប៉ោយប៉ែត៖ មានការភ្ញាក់ផ្អើលយ៉ាងខ្លាំង
បន្ទាប់ពីប្រជាពលរដ្ឋបានប្រទះឃើញសាកសពមនុស្សប្រុសចំនួន ២នាក់ (សង្ស័យជាជនជាតិបរទេស) ត្រូវបានឃាតកសម្លាប់រួចកាត់សាកសពជាច្រើនកំណាត់ ច្រកចូលក្នុងស្បោងពណ៌ខ្មៅ យកមកផ្លុងចោលនៅក្នុងព្រៃ។ ករណីនេះត្រូវបានដឹង បន្ទាប់ពីសត្វឆ្កែបានអូសស្បោងសាកសពនោះចេញមកក្រៅ និងជះក្លិនស្អុយយ៉ាងខ្លាំង។
📍 ព័ត៌មានលម្អិតនៃហេតុការណ៍៖
ទីតាំងកើតហេតុ៖ ហោងព្រៃក្បែរផ្លូវ ខាងកើតភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
ពេលវេលាប្រទះឃើញ៖ កាលពីថ្ងៃទី០២ ខែកក្កដា ឆ្នាំ២០២៦។
ភិនភាគសាកសព៖ ជាសពមនុស្សប្រុសចំនួន ២នាក់ មានសម្បុរស និងមានស្នាមសាក់នៅលើដងខ្លួន (សង្ស័យជាជនបរទេស)។ សាកសពត្រូវបានកាត់ជាកង់ៗ ដោយក្នុងនោះគេឃើញមានក្បាលចំនួន ២ ព្រមទាំងកំណាត់ដៃជើង និងដងខ្លួន ក្នុងស្ថានភាពធុំក្លិនស្អុយខ្លាំង ដែលគេសន្និដ្ឋានថាអាចស្លាប់ប្រមាណ ៣ ទៅ ៤ថ្ងៃមកហើយ។
ភ្លាមៗបន្ទាប់ពីទទួលបានសេចក្តីរាយការណ៍ពីប្រជាពលរដ្ឋ កម្លាំងសមត្ថកិច្ចជំនាញទាំងកម្រិតខេត្ត និងក្រុងប៉ោយប៉ែត បានចុះទៅដល់ទីតាំងកើតហេតុភ្លាមៗ ដើម្បីធ្វើការពិនិត្យ និងធ្វើកោសល្យវិច័យយ៉ាងយកចិត្តទុកដាក់អស់រយៈពេល ២ថ្ងៃ (ចាប់ពីថ្ងៃទី០២ ដល់ថ្ងៃទី០៣ ខែកក្កដា ឆ្នាំ២០២៦)។
បញ្ជាក់៖ គិតមកទល់ពេលនេះ អ្នកសារព័ត៌មានបានទាក់ទងទៅសមត្ថកិច្ចជំនាញ ដើម្បីសុំព័ត៌មានលម្អិតបន្ថែមជុំវិញអត្តសញ្ញាណជនរងគ្រោះ និងតម្រុយនៃក្រុមឃាតក ប៉ុន្តែមិនទាន់ទទួលបានការបញ្ជាក់ច្បាស់ការណ៍ណាមួយឡើយ ដោយសមត្ថកិច្ចកំពុងស្ថិតក្នុងដំណាក់កាលបើកការស៊ើបអង្កេតយ៉ាងហ្មត់ចត់។
យើងនឹងបន្តធ្វើបច្ចុប្បន្នភាព (Update) ព័ត៌មាននេះភ្លាមៗ ដរាបណាមានប្រភពផ្លូវការបន្ថែម…។