ឯកឧត្តម គង់ គឹមនី អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពខេត្ត អញ្ជើញចុះត្រួតពិនិត្យទីតាំងស្កេមអនឡាញ ដែលត្រូវបានបិទខ្ទប់ទីតាំង នាពេលកន្លងមក
នាព្រឹកថ្ងៃសៅរ៍ ៥រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកក្កដា ឆ្នាំ២០២៦នេះ ឯកឧត្តម គង់ គឹមនី អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពខេត្ត បានដឹកនាំកម្លាំង គណៈបញ្ជាការឯកភាពខេត្ត រួមមានស្នងការនគរបាលខេត្ត កងរាជអាវុធហត្ថខេត្ត និងបញ្ជាការតំបន់ប្រតិបត្តិការសឹករងមណ្ឌលគិរី ដោយមានការចូលរួមពីសំណាក់អាជ្ញាធរស្រុក និងសមត្ថកិច្ចស្រុកអូររាំង បានអញ្ជើញចុះត្រួតពិនិត្យទីតាំងស្កេមអនឡាញ ដែលត្រូវបានបិទខ្ទប់ទីតាំង នាពេលកន្លងមក ស្ថិតនៅភូមិពូឆប ឃុំដាក់ដាំ ស្រុកអូររាំង ខេត្តមណ្ឌលគិរី។